Бројот на загинати во Газа од почетокот на израелското бомбардирање на областа достигна 10.022, соопшти министерството за здравство на Хамас.
Според Би-Би-Си, бројот на загинати надмина 10.000, по ноќните интензивни израелски напади, при што израелската армија соопшти дека погодила стотици цели, вклучително и воен полигон за обука на Хамас.
Директорот на најголемата болница во градот Газа претходно за Би-Би-Си изјави дека во текот на ноќта биле убиени околу 200 луѓе.
Некои политичари, вклучително и американскиот претседател Џозеф Бајден, ја доведуваат во прашање точноста на бројките на министерството за здравство во Газа.
На прашањето за ова, Светската здравствена организација рече дека верува дека бројките се сигурни.
Како и другите владини тела во Газа, министерството за здравство е контролирано од Хамас, кој се смета за терористичка организација во Велика Британија, САД и ЕУ.
Израел започна напади врз Газа откако Хамас уби повеќе од 1.400 луѓе во израелски кибуц на 7 октомври и киднапираше повеќе од 200. Израелската војска соопшти дека целта на нејзините операции е целосно да го уништи Хамас.