Украина не е подготвена за преговори за членство во ЕУ, дециден е Орбан

Унгарскиот премиер Виктор Орбан денеска повтори дека не го поддржува почетокот на преговорите за членство на Украина во Европската унија, со што сигнализираше дека Будимпешта може да претставува пречка за амбициите на Киев да се приклучи на Унијата.

Во средата, Европската комисија препорача почеток на преговорите со Украина, а лидерите на ЕУ треба да одлучат за официјалната покана за Киев во декември. За ваква одлука потребна е едногласна поддршка од членките на Унијата.

Унгарија, како што посочи Орбан, не се согласува со тоа.