165
Украинската армија денеска соопшти дека извршила „серија успешни“ операции на левиот брег на реката Дњепар, кој беше окупиран од руските сили на југот на земјата.
„Украинските одбранбени сили извршија серија успешни акции на левиот брег на реката Дњепар“ во регионот Херсон (југ), објави командата на украинската морнарица на Фејсбук, без да даде други детали.
Украинците неодамна успеаја да воспостават позиции на левиот брег на реката Дњепар во делот на Херсонската област која беше окупирана од руската армија.
Украинската војска се надева дека ќе започне поголема офанзива за да ги пробие руските линии на фронтот, кои се спротивставуваат на контраофанзивата започната во јуни.