Pagani објави тизер слика со која ја најавува претстојната промоција на уште една верзија на моделот Huayra. Очигледно, тоа ќе биде Roadster варијантата на Huayra Imola.
Pagani го претстави Huayra Imola Coupe уште во 2020 година, а го доби името по патеката „Autodromo Internazionale Enzo e Dino Ferrari“ во Имола.
Huayra Imola Coupe чинеше 5 милиони евра и беа произведени само пет примероци. Идниот Huayra Roadster ќе се нуди и во ограничена серија, а цената ќе биде уште повисока од онаа на Coupe. Детали за тоа допрва следуваат, но промоцијата ќе биде наскоро, па нема да чекаме уште долго.
За погонот повторно ќе се грижи моторот Mercedes-AMG twin-turbo V12, тука со 827 КС и 1100 Nm вртежен момент, во комбинација со 7-брзински AMT менувач Xtrac.
Huayra Imola, исто така, располага со префинет аеро-боди пакет, со голем заден спојлер, повеќе отвори за воздух…
Запирањето го прават Brembo карбон-керамички сопирачки (дискови 398×36 mm напред и 380×34 mm назад), додека тркалата се 20 и 21 инчи (гуми Pirelli Trofeo R 265/30 и 355/23 R21) .
Во однос на димензиите, Pagani Huayra Imola е долг 4853 mm, широк 2035 mm (2264 mm со ретровизори), висок 1269 mm и има меѓуоскино растојание од 2795 mm.
Еве ја и информацијата дека максималната тежина на верзијата Coupe е 1246 килограми, додека Roadster ќе биде малку потежок.