Министерот за правда Улси Мања попладнево информираше дека на премиерот Еди Рама му го доставил финалниот текст од Предлог-законот за амнестија.
Во објавата наведува дека бројот на оние кои ќе бидат опфатени ќе биде за стотина поголем од претходно најавеното.
– Земајќи ги во предвид препораките од Специјалното обвинителство и специјалниот суд против организиран криминал и корупција и државното јавно обвинителство, за поцелосна амнестија, со истата ќе бидат опфатени 620 осуденици, наведува Мања.
Како што е најавено се запира кривичното гонење за најголем дел од кривичните прекршоци за кои е предвидена казна затвор до две години.
Од амнестијата се исклучени лицата кои издржуваат казни за семејно насилство, организиран криминал, трговија со голема количества дрога, злоупотреба на службената положба и корупција.