Израелски генерал: Блиску сме до остварување на воената мисија на северот на Појасот Газа

Командантот на израелскиот оклопен корпус Хишам Ибрахим денеска објави дека неговите борци заедно со другите припадници на копнените сили се блиску до остварување на својата воена мисија во северниот дел на Газа.

„Целите во северниот дел на Газа се речиси остварени. Продолжуваме со копнените операции во другите делови на Појасот Газа со една цел: уништување на терористичката група Хамас“, изјави бригадниот генерал Хишам Ибрахим за израелското воено радио, пренесува „Ројтерс“.

Тој нагласи дека во четвртата недела од израелските воени операции се постигнати значајни воени цели.