Во јужните и источните региони на Украина беше прогласена воздушна закана, а воздухопловните сили на вооружените сили на Украина соопштија дека Русија најверојатно лансирала крстосувачки ракети од стратешките бомбардери ТУ-95МС.
Ракети се движат кон Киев од југ, пишува новинската агенција Униан.
Градската управа соопшти дека противвоздушната одбрана работи на периферијата на Киев.
Напад на Харков
Претходно беше објавено дека руските сили синоќа извршиле ракетни напади врз Харков, а во нападите се повредени две лица, соопштија градските и регионалните власти.
Олех Синехубов, шеф на регионалната управа во Харков, изјави дека врз градот биле истрелани шест ракети, пишува Униан.
Според прелиминарните информации, нападите биле извршени со ракети С-300.
Градоначалникот Ихор Терехов изјави дека се оштетени неколку станбени згради во различни делови на градот.
Пет од седум дронови беа соборени
Русија синоќа ја нападна Украина со ракети С-300 и дронови од типот „Шахед“, а силите за противвоздушна одбрана уништија пет од седумте лансирани руски беспилотни летала, соопшти Военото воздухопловство на Вооружените сили на Украина.
Лансирани се шест наведувани ракети С-300, пренесува Интерфакс-Украина.
Беа лансирани беспилотни летала во правец на регионот Дњепропетровск, а ракетите С-300 беа лансирани во насока на регионот Харков.