Австралија, Нов Зеланд и Пацификот ја дочекаа новата 2024 година со спектакуларен огномет и големи прослави.
Во Сиднеј, голем огномет го осветли небото над познатата Oпера и мостот Харбор.
Според организаторите, само во пристаништето биле истрелани над 13.500 ракети.
Беа прикажани и светлосни проекции генерирани од вештачката интелигенција.
Беа осветлени и знаменитостите во најголемиот град во Нов Зеланд, Окленд. Огнометот ја осветли Скај Тауер, а гледачите исто така уживаа во ласерско светло и анимирано шоу синхронизирано со други знаменитости, вклучувајќи го и пристанишниот мост.
Огнометот од пет минути и 30 секунди во кулата Скај, највисоката на јужната хемисфера, започна со проекција на последните 10 секунди од 2023 година во основата на кулата, по што беа испукани 500 килограми пиротехнички средства.