Уапсени 11 осомничени за вмешаност во две експлозии во Иран

Иранските безбедносни сили уапсија 11 осомничени за вмешаност во експлозијата на две бомби во кои загинаа речиси 100 луѓе за време на комеморацијата на годишнината од смртта на иранскиот воен командант Касем Сулејмани, соопштија денеска тамошните власти.

Иранското Министерство за разузнавање соопшти дека безбедносните сили уапсиле две лица за давање поддршка на двајца бомбаши самоубијци во Керман и уште девет лица, со седиште во други делови на Иран, за кои постои сомневање дека се поврзани со инцидентот, пренесe Ројтерс.

Министерството соопшти дека, меѓу другото, се запленети експлозивни направи, експлозивни елеци и направи за далечинско управување.