Иако ниту принцот Хари ниту Меган Маркл не беа дел од церемонијата на доделувањето на Златните глобуси, водителот Џо Кој ја искористи приликата да ги спомене во својот говор на отворањето на начин што многумина го сметаа за навредлив и несоодветен.
Водителот на Златните глобуси рече дека британскиот двор е „богато, бело и дисфункционално семејство“ и ја спореди „Succession“ на HBO со „The Crown“ на Нетфликс.
Потоа се осврна на Меган Маркл и принцот Хари, велејќи дека славната двојка „добива милиони бидејќи не прави апсолутно ништо“, а тие милиони доаѓаат од Нетфликс чиј извршен директор Тед Сарандос бил во салата и се смеел на „шегите“.
Стриминг сервисот Нетфликс наводно платил 88 милиони фунти (100 милиони долари) за документарните филмови за славната двојка во 2022 година како дел од повеќегодишен договор. Во декември 2022 година, парот објави документарец со исто име на Нетфликс за нивната одлука да се повлечат од кралските должности, што наиде на различни критики.
Шегите на Златните глобуси уследија по многу бурна година за Меган Маркл и принцот Хари, а Spotify го повлече подкастот „Archetypes“ по само една сезона.
Извршниот директор на платформата подоцна ги нарече војвотката и војводата од Сасекс „измамници“.