268
Русија и Централноафриканската Република избираат локација за руска воена база во таа земја, соопшти руската амбасада.
„Прашањето за лоцирање на воена база во Централноафриканската Република го разгледуваат министерствата за одбрана на двете земји. Тие работат на избор на локација за идното распоредување на руски војници“, соопшти амбасадата, пренесува ТАСС.
Тие додаваат дека се уште не се знае колку војници ќе бидат распоредени во базата, ниту кога тоа ќе се случи.
Фидел Нгуандика, советник на претседателот на Централноафриканската Република, претходно изјави дека земјата е подготвена да биде домаќин на руската база.