Музичарот Бени Шаќири е назначен за нов директор на Младинскиот културен центар (МКЦ), потврдија од МКЦ.
Од МКЦ велат дека Бени Шаќири е назначен за директор уште на 10 јануари.
-Градот го криел решението на Бени Шаќири. Тој дури сега доаѓа на работа, останатите двајца кандидати имаат осум дена рок на жалба, со ова им се ускратува правото на жалба, наведуваат од МКЦ.
Според процедурата на конкурсот, Управниот одбор на МКЦ ги доставува апликациите од кандидатите до градоначалникот на Град Скопје, а услов, покрај високото образование во областа на хуманистичките науки, се и 5-годишно работно искуство во областа на културата.
Покрај Шаќири, кандидатура поднесе и продуцентот и филмски работник Никола Мадиќ, но и Владимир Стојчевски, дипломиран продуцент и професор, магистер по менаџмент на јавни установи.
Пред една година вработените во МКЦ протестираа поради разрешувањето на Ванчо Богоев од в.д. директор и назначувањето на таа функција на дипломираниот детектив Никола Алексов, примен во МКЦ преку Агенцијата за привремени вработувања.