Компанијата од Маранело потврди дека оваа година ќе претстави три нови модели.
Очекувано, италијанскиот егзотичен бренд останува таинствен кога станува збор за тоа што ќе видиме, но шпекулациите секогаш се шират. Постои шанса во следните 11 месеци да видиме хиперавтомобил, наследник на моделот LaFerrari, кој внатрешно е познат како F250 и кој е фотографиран во форма на прототип со сериско тело. Сепак, гласините сугерираат дека Ferrari нема да се одлучи за V12 мотор за прв пат по F40.
Извештаите сугерираат дека хиперавтомобилот ќе биде придвижуван од plug-in хибриден твин-турбо V6 мотор базиран на оној што го користат моделите 296 GTB и 296 GT3, како и тркачкиот 499P. Наводно, Ferrari планира да произведе 599 купеа, 199 кабриолети и 30 примероци од најмоќниот модел XX, за вкупно 828 автомобили. Оваа година веројатно ќе видиме купе, а производството треба да започне кон крајот на годината. Моделот XX ќе излезе на производна линија во 2027 година, а кабриолетот во 2028 година. Последните автомобили ќе бидат произведени во 2030 година.
Исто така, треба да дебитира во 2024 година и наследникот на 812 Superfast, кој беше снимен на тестирање со Roma каросерија и најверојатно ќе користи V12 мотор. Ferrari минатата година призна дека V8 со турбополнач ги надминува атмосферските V12, но претставниците на компанијата признаваат дека тој е помалку „емотивен“.
Во мај 2021 година, Ферари вети уште помоќен V12 мотор кој ќе развива повеќе од 830 КС, што е моќта достапна за 812 Superfast и Daytona SP3.
Што се однесува до третиот автомобил, работите се нејасни. Некои го спомнуваат новиот модел на Icona, SUV верзијата Purosangue или нешто уникатно.
Да кажеме и дека работниците на Ferrari ќе добијат бонус од 13.500 евра по рекордната 2023 година. Ferrari продаде 13.663 автомобили во 2023 година, што е зголемување од 3 отсто во споредба со 2022 година