258
Состојки:
– 4 пастрмки
– 1 главица кромид
– 4 чешниња лук
– 1 морков
– магдонос, рузмарин
– ловоров лист
– лимон
– сол, бибер
– малку бело вино
– маслиново масло
Подготовка:
Исчистете ја и посолете ја пастрмката.
Кромидот и лукот се сечкаат ситно, а морковот се ренда на крупно ренде. Магдоносот се сецка ситно, се посолува, се додава малку бибер и масло, па се меша и со сето тоа се полни пастрмката.
Плехот убаво подмачкајте го, па ставете ги пастрмките, прелијте со маслиново масло и бело вино.
Додадете рузмарин, ловоров лист и печете на 200 степени додека не поруменат.
Додека се пече, повремено прелијте ги со маснотијата од тавата.
Врз пастрмката исцедете го лимонот, па послужете со варени компири или со ориз.