Јапонската легенда во скијачките скокови, Нориаки Касаи ќе се врати на терените на Светскиот куп што започнува во сабота, откако 51-годишниот се квалификуваше на првата трка од големата скокалница во Сапоро, повеќе од 35 години откако дебитираше на истата скокалница.
Светскиот шампион во ски летање од 1992 година ги помина квалификациите, пласирајќи се на 45-тото место по обидот на 106,0 метри и добивајќи 86,5 поени.
Касаи се немаше натпреварувано на Светското првенство од 2020 година, кога заврши на 36. место во Сапоро. Тој се врати минатата година, но не успеа да се квалификува на две трки, завршувајќи на 51. и 56. место.
Јапонецот го имаше своето деби на Светското првенство во Сапоро во декември 1988 година кога имаше 16 години и заврши на 31. место. Тој победи на 17 натпреварувања, а последната како 42-годишник во 2014 година.
Неговиот последен пласман на подиумот датира од 2017 година.