Израел ги нападна позициите на Хезболах „длабоко во Либан“

Израелската армија соопшти дека нејзините воздушни сили денеска нападнале позиции на организацијата Хезболах „длабоко во Либан“.

Либанските власти тврдат дека Израел извршил три воздушни напади врз конвој камиони во селото Будај, во близина на Баалбек.

Будај се наведува како упориште на Хезболах, пренесува АП.

Хезболах објави дека нивните борци денеска собориле израелско беспилотно летало во јужен Либан.