Доналд Трамп вети дека ќе го намали американското финансирање за Украина ако победи на претседателските избори во ноември, тврди унгарскиот премиер Виктор Орбан кој се сретна со поранешниот американски претседател на неговиот имот во Мар-а-Лаго на Флорида во петокот, пренесува РТ.
„Ако САД не ги обезбедат парите, Европејците сами нема да можат да ја финансираат оваа војна, а потоа војната ќе заврши“, објасни Орбан во интервју за телевизијата М1 во неделата.
Двајцата политичари, кои долго време беа во добри односи, разговарале за „широк опсег на прашања кои ги засегаат и Унгарија и САД, како огромното значење на безбедните граници за заштита на суверенитетот на секоја нација“.
„Трамп беше првиот претседател на САД по долго време без војна. Од неговото претседателствување знаеме дека тој е човек на мирот и не го крие своето мислење и сега јасно кажа дека неговата цел е да донесе мир во руско-украинската војна“, истакна Орбан.
Орбан посочи и дека унгарската влада сака само мир и прекин на огнот и „крај на оваа војна која полека се протега кон крајот“.
Иако Трамп сè уште е далеку од Овалната соба, неговата партија веќе ги спречува демократите да одвојат повеќе пари за конфликтот, изјави Орбан, осврнувајќи се на континуираниот отпор на некои републиканци кон напорите на администрацијата на Бајден да протурка уште 60 милијарди долари воена помош за Киев.
Минатата недела, Трамп остана сам во трката за републиканската номинација за претседателски кандидат откако неговиот последен преостанат ривал, Ники Хејли, ја прекина својата кампања откако ги загуби прелиминарните избори во 14 од 15 држави на Супервторникот.
На барањето да ја коментира средбата на трамп и Орбан во Мар-а-Лаго,американскиот претседател Џо Бајденистакна во интервјуто за МСНБЦ во саботата дека Орбан „не верува во демократија“.
„Орбан од Унгарија, кој отворено рече дека не мисли дека демократијата функционира и дека сака диктатура“, истакна Бајден.
Унгарија е единствената членка на ЕУ која одбива да ѝ испрати каква било воена поддршка на Украина и редовно повикува на прекин на огнот, истовремено одржувајќи блиски врски со Кремљ и покрај руската инвазија на Украина во февруари 2022 година.