„Не е време да се зборува за предавање на Украина“

Генералниот секретар на НАТО, Јенс Столтенберг денеска соопшти дека не се согласува со коментарите на папата Франциск дека Украина „треба да има храброст на белото знаме“ за да преговара со Русија за завршување на војната и рече дека на Киев му е потребна воена поддршка.

„Ако сакаме да постигнеме мировно решение преку преговори, тоа може да се постигне само со воена поддршка на Украина. Не е време да се зборува за предавање на Украинците. Тоа би било трагедија за нив. Исто така, тоа би било опасно за сите нас“, рече Столтенберг, пренесе Ројтерс.

Тој оцени дека она што се случува на бојното поле е нераскинливо поврзано со она што се разговара на преговарачката маса.