Британската пејачка родена како Мелани Браун, додаде три нови поглавја во своите мемоари Brutally Honest, со детали за нејзиното детство, метеорскиот подем до славата и неуспешниот брак со Стивен Белафонте, за кој таа тврди дека ја злоставувал, што тој го негира.
„Сега е 2024 година и се случија многу работи од објавувањето на книгата… Бев наградена со Орден на Британската империја за ширење на свеста за семејното насилство. Јас сум верена. Ја купив мојата прва куќа и работев многу на себе“, изјави Браун за Ројтерс. „Сакав да им дадам надеж на преживеаните и да зборувам искрено во смисла: „Знаеш што, јас сè уште поминувам низ тоа, исто како тебе. Затоа, не се откажувај’.
Браун, покровител на хуманитарната организација Women’s Aid, беше наградена со Орден на Британската империја во 2022 година за нејзината хуманитарна работа во борбата против семејното насилство.
„Тоа ми даде поголема цел. Тоа е како продолжување на моќта на девојката затоа што врескам за тоа од мојата 19-та година, а потоа бев беспомошна 10 години и сега ја кажувам мојата вистина“, рече таа во врска со нејзиниот активизам против семејното насилство.
Спајс грлс, составени од Браун, Викторија Бекам, Мелани Чишолм, Ема Бантон и Гери Хорнер, поранешна Гери Халивел, објавија видео овој месец да одбележат 30 години од нивните први аудиции.
Групата, формирана во 1994 година, ги освои топ листите ширум светот со хитовите како „Wannabe“ и „Say You’ll Be There“ пред да се распадне. Четирите пејачки повторно се собраа на турнеја во 2019 година. Запрашана за сугестијата дека сите пет пејачки би можеле да се обединат, Браун рече дека разговараат за тоа со месеци.
„Па, наскоро ќе објавиме нешто… и знам дека фановите нема да бидат разочарани. Ќе биде многу возбудливо“.