Информациите целат дека кралот Чарлс се чувствува добро и интензивно работи на лекување и дека значително ќе ги намали државните давачки и јавниот ангажман за да може на мир да се фокусира на закрепнувањето.
Генерално, се добива впечаток дека прогнозите се ветувачки, а за тоа придонесува и фактот што Чарлс повремено се појавува во јавноста. Згора на тоа, тој и неговата сопруга Камила денеска ќе присуствуваат на традиционалната велигденска служба во Виндзор, за разлика од Вилијам и Кејт Мидлтон.
„Планираното присуство на кралот на богослужбата е „знак дека работите одат во вистинската насока“, изјави извор од палатата за Телеграф.
Од друга страна, доаѓаат спротивставени информации. Бакингемската палата ги криеше деталите за дијагнозата, вклучително и каков вид на рак има кралот Чарлс, но доверливи извори открија за US In Touch дека се работи за рак на панкреасот и дека наводно му остануваат само уште две години живот!
Оттука, можеби, медиумите пишуваат дека Чарлс ќе седи „изолиран од остатокот од семејството“ на служба поради стравувања за неговото здравје.
Дијагнозата на британскиот монарх е јавна тајна меѓу кралскиот персонал, пишува In Touch.
„Многу „дворјани“ веруваат дека ракот на Чарлс е полош отколку што се прикажува во јавноста. Уште пред дијагнозата, постоеше загриженост за неговото здравје“, изјави за магазинот високо оценет извор од палатата.
„Чарлс се појавува во одредени прилики во јавноста, не само за да ги спречи лудите теории на заговор и лажните извештаи за неговата смрт, туку и да им покаже на луѓето дека сè уште може да ги извршува своите должности како крал“, заклучил изворот, додавајќи дека 75-годишникот „ги почитува упатствата на лекарот и е подготвен да проба секаков медицински третман за да си го продолжи животот барем за неколку години“.