Сингапур, Данска и САД се најдобрите места за водење бизнис во светот, според новото рангирање на Economist Intelligence Unit.
„Сингапур 16-та година по ред ја задржува титулата број еден географска локација “, изјави Прианти Рој, менаџер на „Прогноза“ и аналитичар во EIU, за CNBC.
Факторите што ја ставаат дестинацијата од Југоисточна Азија на врвот се нејзината политичка стабилност и фокусот на владата да им помогне на локалните компании од приватниот сектор да се модернизираат технолошки.
Рангирањето на EIU ја оценува бизнис атрактивност на 82 земји. Во неговиот состав се вклучени фактори како што се инфлацијата, трошоците за живот, економскиот раст и фискалните политики.
Тоа, исто така, дава чувство за тоа кои економии се подобро позиционирани за раст од другите и е „ефективен начин да се идентификува каде може да дојде до зголемување на инвестициските трошоци“, велат аналитичарите на EIU.
По Сингапур следни се Данска и САД, формирајќи ги првите три позиции за најдобри бизнис локации во светот.
Данска го зазема почесното второ место со своите „цврсти макроекономски основи“ и висококвалитетната транспортна и дигитална инфраструктура, додава Рој.
Можностите на пазарот во САД остануваат поволни, особено со малко ограничувања на надворешната трговија и инвестиции.
„Се очекува Сингапур, Данска и САД да имаат најдобро бизнис опкружување во следните пет години“, се вели во извештајот.
Германија и Швајцарија ги заземаат четвртото и петтото место, додека Канада, Шведска, Нов Зеланд, Хонг Конг и Финска го сочинуваат остатокот од Топ 10 рангирањето.
„Сите овие земји се развиени економии и долго време имаат добри резултати во нашиот индекс, така што имаат тенденција да бидат безбедни за инвестиции“, се вели во извештајот.
Нејзините автори додаваат дека стапките на раст на БДП, и во вкупна вредност и по глава на жител, најверојатно ќе останат стабилни и релативно бавни.
Некои забележителни „подобрувања“ во бизни климата се идентификувани во рангирањето на земји како Грција, Аргентина и Индија.
Нашиот јужен сосед забележа најголемо подобрување во бизнис клима во индексот на EIU благодарение на реформите спроведени од про-бизни владата.