Макс Верстапен (Ред Бул) победи во спринт трката во пресрет на Кинеското ГП во Шангај за Светскиот шампионат во Формула 1. Холанѓанецот славеше пред Британецот Луис Хамилтон (Мерцедес) и Мексиканецот Серхио Перез (Ред Бул).
Трикратниот последователен светски шампион и лидер во генералниот пласман на Формула 1 на тој начин ја освои воведната спринт трка на сезоната и нови осум бода во вкупниот број на шампионатот пред петтата трка во сезоната.
Клучниот настан на денешниот спринт се случи на стартот, кога Хамилтон многу добро започна и веднаш застана покрај победникот од квалификациите, сонародникот Ландо Норис во Мекларен. Седумкратниот светски шампион ја фати внатрешната линија во првиот свиок и го презеде водството, додека Норис излета од патеката и падна на седмото место.
Редоследот на врвот потоа беше непроменет неколку круга, но потоа Верстапен почна да ја вози својата трка. Прво лесно го мина Шпанецот Фернандо Алонсо (Астон Мартин) на второто место, а на крајот од деветтиот круг водечкиот Хамилтон. Тој го престигна Британецот и на крајот славеше по 19 круга со предност од 13 секунди.
Денеска во 9:00 часот се квалификациите за класичната трка, која е закажана за в недела во 9:00 часот.
Формула 1 се врати во Кина за прв пат од 2019 година.
СПРИНТ ТРКА ГП КИНА:
1. Макс Верстапен (Хол) Ред Бул Рејсинг 32:04.660 мин.
2. Луис Хамилтон (ВБР) Мерцедес +13.043
3. Серхио Перез (МЕК) Ред Бул Рејсинг +15.258
4. Шарл Леклер (MOН) Ферари +17.486
5. Карлос Саинц (ШПА) Ферари +20.696
6. Ландо Норис (ВБР) Мекларен +22.088
7. Оскар Пјастри (АВС) Мекларен +24.713
8. Џорџ Расел (ВБР) Мерцедес +25.696
9. Џоу Гуанју (КИНА) Заубер +31.951
10. Кевин Магнусен (ДАН) Хас +37.398