Четворица повредени во сообраќајка кај наплатната рампа кај Градско

Четворица повредени во сообраќајна несреќа синоќа на стариот реконструиран пат Градско-Велес, на стотина метри под наплатната рампа кај Градско.

Според информациите, поради сообраќајката и увидот, бил сопрен сообраќајот по стариот пат Велес-Градско, а на местото на настанот веднаш пристигнала и екипа на брза помош од Велес која им укажала итна помош на повредените.

Како што информираат од Службата за брза помош од Велес, со полесни повреди се здобиле трочленото семејство во едното возило – млад брачен пар со едно 21 месечно дете. Во другото возило возачот имал лесни повреди во пределот на главата.

Сите се однесени во Ургентниот центар на велешката Општа болница.