Актерот Стив Бушеми бил нападнат на улица во Њујорк, објави неговиот ПР.
Ѕвездата од „Fargo“ и „Boardwalk Empire“ била нападната во средата наутро на Менхетен откако маж го удрил со тупаница во лицето.
Тој бил пренесен во локалната болница со модринки, отоци и крварење на левото око.
„Стив Бушеми беше нападнат во центарот на Менхетен. Тој е уште една жртва на случаен чин на насилство во градот. Сега е во добра состојба“, се вели во соопштението на неговиот ПР.
Полицијата соопштила дека сè уште нема уапсени и дека истрагата за нападот е во тек.
Да потсетиме, колегата на Бушеми од филмот „Boardwalk Empire“, Мајкл Штулбарг бил погоден со камен во задниот дел од главата додека се шетал низ Централ парк на Менхетен на 31 март годинава.
Штулбарг го бркал својот напаѓач, кој подоцна бил приведен.
Фото: Jamie McCarthy / Getty images / Profimedia