Потпретседателот на Владата на Република Србија, Александар Вулин „се надева дека Романија ќе успее да го спаси барем Црното Море, додека С. Македонија и Црна Гора оствариле силен исчекор напред на патот на големоалбанската интеграција“. Ваквиот негов став следува по изгласувањето на Резолуцијата за Сребреница.
„Романската поговорка вели: Романија има двајца пријатели, Црното Море и Србија. Оттаму се надевам дека ќе успеат да го зачуваат Црното Море. Додека Црна Гора и Северна Македонија направија силен чекор напред на патот кон големоалбанска интеграција. Тие самите избраа“, порачал Вулин, пренесуваат српските власти, до властите во Романија, Црна Гора и Македонија кои гласаа за резолуцијата за геноцидот во Сребреница.
Со реакција на гласањето на соседите на Србија, се осврна и српскиот претседател Александар Вучиќ. Изјавил дека „потешко го погодила“ одлуката на Македонија.
„Најмногу вложив во односите со нашите браќа Македонци, но испадна дека не е фер. Се покажа дека Грција има повеќе ‘рбет од Скопје и тоа е така. Најодвратно ми беше однесувањето на Црна Гора околу резолуцијата. Не ме разочара затоа што очекував да гласа ‘за‘. Но, потешко од Црна Гора ме погоди Северна Македонија“, заклучил тој.