ПРЕСТРЕЛКА на „Пластичарска“: Еден починат и неколкумина ранети

Вооружена престрелка се случила синоќа на булеварот „Никола Карев“ во Скопје, попознат како „Пластичарска улица“. Според неофицијални информации ранети се три лица, а едно им подлегнало на повредите. Се наведува дека претходела масовна тепачка пред пукањето.

Според информациите, повредените се префрлени во Хируршката болница „Св. Наум Охридски“ и на комплексот клиники Мајка Тереза.

Неофицијално, мотивот за нападот бил нерасчистени меѓусебни односи. Засега нема официјални информации од Министерството за внатрешни работи.

Веднаш на терен излегле полициски екипи и тим од Јавното обвинителство.