Премиер лигата и Чемпионшип имаат јасни правила и услови за натпреварување, особено кога се во прашање финансиите. Шест клуба – Челси, Њукасл, Астон Вила, Евертон, Нотингем Форест и Лестер – треба да ги средат своите финансии за да ги поминат соодветните контроли на правилата за профит и издржливост на англиската лига (ПЦР).
Во мечот ќе се соочат со санкции и одземање на бодови, како што на своја кожа минатата сезона го почувствуваа Евертон и Нотингем Форест. Рокот за решавање на финансиите е 30 јуни. Правилата се јасни, клубовите може да претрпат одредени загуби во период од три години и таа сума е 105 милиони фунти за Премиер лигата или 39 милиони фунти за Чемпионшип.
Споменатите шест клуба имаа поголеми загуби и сега треба да ги надоместат преку продажба на играчи. Нема многу време, Челси, Њукасл, Астон Вила, Евертон, Нотингем Форест и Лестер се соочени со вистината дека ќе мора да продадат некои играчи под пазарната цена само за да ги решат загубите.
Евертон и Нотингем Форест веќе знаат што ги чека доколку ги поминат загубите како минатата сезона. Форест беше казнет со четири бода за прекумерно трошење од 34,5 милиони фунти, додека Евертон загуби шест бода за прекумерно трошење од 16,6 милиони фунти.