Многу зафатени парови стануваат несреќни и далечни затоа што сè друго има предност пред нивната врска. Тие често се губат во хаосот на животот, но тоа е предвидливо со оглед на нивните обврски кон работата, децата, па дури и пријателите.
Тие се оптоварени со бројни надворешни фактори и обврски и влегуваат во проблеми кога ја занемаруваат важноста на нивните врски.
„Со текот на времето, дури и најстрасните врски стануваат рутина. Настапува реалноста, пропуштањето работа е резервирана за вистински болести, а ако останете будни до доцна, тоа е поради излегување, немирно бебе или работа. Паровите живеат заедно и си ги извршуваат своите обврски, а нивната врска станува секундарна“, објаснува психологот и советник за парови Џенев Кадел за YourTango.
Ако не и даваме приоритет на нашата врска покрај другите обврски, ја ставаме во ризик. За среќа, Кадел откри пет едноставни навики кои можеме да ги додадеме во нашите рутини. Тврди дека најсреќните и најсилните парови ги практикуваат овие навики неделно:
1. Направете ја интимноста ваш приоритет
„Ова е очигледно, но луѓето забораваат да бидат интимни. Не дозволувајте љубовниот живот да ви исчезне поради ништо друго. Бидете интимни. Тоа е добро за вашата врска“, советува психологот.
2. Уживајте во заеднички оброк
Покрај интимноста, Кадел ја истакна важноста од споделување оброк. „Кафе, какао, чај — изберете што било, но правете го тоа секој ден, дури и ако е само пет минути наутро. Направете го тоа секојдневна навика и ќе ви даде можност да се поврзете, макар и на кратко“, објасни таа.
3. Оставете му романтична порака на партнерот
„Ако имате различни распореди и не можете да поминувате време еден со друг наутро, оставете си пораки. Потребни се неколку минути за да напишете нешто и да му го оставите на партнерот. Плус, кој не сака да добива рачно напишани љубовни белешки “, заклучи Кадел.