Во последните 12 години, производителот од Миовени произведе еден милион возила со систем бензин/плин. Logan е најпопуларниот модел со овој систем со двојно гориво, откако верзијата Eco-G ја избираат 55 отсто од неговите клиенти.
Моделите на Dacia со ознаката Eco-G стануваат сè попопуларни, особено кога штедливиот дизел беше исфрлен од употреба. Според романскиот производител, моторите Eco-G претставуваат околу 30 отсто од продажбата на марката оваа година.
Logan е најпопуларниот модел со овој систем со двојно гориво, откако верзијата Eco-G ја избираат 55 отсто од неговите клиенти. Следниот модел на листата е Sandero, вклучувајќи го Sandero Stepway чија продажба е 48 проценти од верзијата на гас и Jogger со 44 проценти од верзијата LPG. На глобално ниво, најважните пазари за палетата на Dacia Eco-G се Италија, Франција, Германија, Шпанија и Полска, според Klix.
Романците пресметаа дека во режим на гас, моделите на Dacia во просек испуштаат 10 проценти помалку CO2 од оние што се опремени со еквивалентни бензински мотори. Од 2012 година до денес, Dacia произведе еден милион возила со бензински мотор прилагоден да работи на течен гас, попознат како ТНГ или ЛПГ.
Со оглед на тоа дека Duster беше последниот модел со дизел мотор, а неодамна лансираниот наследник остана без него, побарувачката за моделите Eco-G може да оди само во нагорна траекторија. Автомобилите во оваа верзија со мотор кој користи два вида гориво не само што се поекономични од бензинските, па дури и достапните хибриди, тие се и меѓу најприфатливите во пракса.
На некои пазари, поради еколошки бонуси, возилата со ТНГ инсталација имаат иста цена како и обичните бензински.