Енди Мареј оствари неочекувана победа со Ден Еванс во конкуренција на машки двојки на олимпискиот тениски турнир и рече дека никогаш не помислил дека ќе забележи нова победа. Двајцата направија пресврт и изедначија во вториот сет, а потоа спасија пет меч топки и ги освоија последните седум гејма за конечни 2:6, 7:6(5), 11:9.
„Нашата игра до тајбрејкот не сугерираше дека ќе го добиеме натпреварот. Јас лично знаев дека не се претставив доволно добро. Ево одигра подобро, но и двајцата сме навикнати да правиме многу повеќе. Сепак, на крајот се се смени и ние остваривме пресврт“, рече Мареј, цитиран од агенцијата АП.
„Во текот на мојата кариера имав многу пресврти и победив натпревари кои не требаше да ги победам. Понекогаш менталната стабилност е најважна работа и горд сум што го покажавме тоа. Сум се врќал и од два сета заостанување и секогаш давав се од себе за да победам“.
Мареј го најави своето пензионирање пред три недели на Вимблдон.
„Сакав Олимпијадата да биде последниот турнир во мојата кариера, а не Вимблдон. Ми се допаѓа да бидам дел од сето тоа. Чувството е тотално различно од било што друго и само Дејвис Купот е блиску, но не и по големина. Додека одам околу Олимпиското село, јасно ми е колку сето ова ќе ми недостига, навистина е посебно“, додаде тој.