Стојанче Ангелов: Пожарот се шири кон Свети Николе, се обидуваме да го пресечеме пред да дојде до градот

Пожарот се движи кон градот Свети Николе. Се надеваме дека пожарот ќе го пресечеме доволно далеку од градот, со цел огнот да не дојде до објектите што се дел од предградието изјави директорот на Центарот за управување со кризи (ЦУК) Стојанче Ангелов.

Пожарите поради ветрот брзо да се шират, а зафатени се околу 12 села.

– Се обидуваме да ги локализираме пожарите на начин што ќе ги заштитиме сите населени места. Во текот на ноќта ќе се продолжи со обезбедување со тешка механизација на сите села што можат да бидат зафатени од пожарите, изјави Ангелов.