Откако претходно забележал дете како се поти на детско седиште во автомобил, човек повикал полиција во Северна Рајна-Вестфалија во понеделникот вечерта околу 21:00 часот.
Автомобилот, кој бил заклучен однадвор, останал незаштитен на сонце.
Прозорците биле отворени само околу еден сантиметар.
„Немаше проток на воздух“, изјави портпаролот на полицијата.
По барање на сведокот, детето ја отворило вратата одвнатре, а минувачи му давале вода на тригодишното момче.
Брзата помош утврдила дека детето има висока телесна температура и први знаци на дехидрација и е префрлено во болница, пишува Феникс Магазин.
Кога таткото се вратил во својот автомобил околу 21 часот и 40 минути, рекол дека разговарал со пријател од кого сакал да позајми пари, а неговиот син спиел во автомобилот.
Но, полициската истрага утврдила дека тој нешто по 20 часот го паркирал автомобилот и отишол кај проститутка.
Надвор во тој момент било 26 степени Целзиусови, а возилото паркирано на сонце, дури и да е само пред заоѓање, за многу кратко време може да стане опасна по живот замка.
Против мажот е поднесена пријава за повреда на должноста згрижување и воспитување и за нанесување физичка повреда од невнимание.
За случајот веднаш била известена мајката на момчето.
Таа изразила неразбирање за однесувањето на мажот и нагласила дека тоа не го очекувала. За настанот е известена Управата за млади, а криминалистичката полиција врши увид.