Кина предлага закон кој ќе го олесни регистрирањето на браковите и ќе го отежне разводот

Кина подготви закон со кој на паровите ќе им биде полесно да го регистрираат бракот, додека поднесувањето барање за развод ќе биде потешко.

Кинеското Министерство за цивилни работи го објави нацртот оваа недела, а граѓаните ќе можат да ги достават своите коментари до министерството до 11 септември, се вели во соопштението, пренесe Ројтерс.

Тоа доаѓа додека државните лидери се борат да ги охрабрат младите парови да се венчаат и да имаат семејства, бидејќи популацијата на државата опаѓа втора година по ред.