Иако цените се зголемија, германските потрошувачи трошат помалку за храна, медицински услуги и нега од граѓаните на која било друга земја-членка на ЕУ.
Ова го пренесува германската новинска агенција (dpa), наведувајќи дека „уделот на овие трошоци за лична потрошувачка минатата година бил за 13,4 отсто помал отколку во другите 26 земји-членки на ЕУ“.
Повикувајќи се на податоци од Германскиот институт за истражување на пазарот NIQ, dpa наведува дека „просечните примања се високи во Германија, а конкуренцијата во трговијата на мало со храна е поголема од било кое друго место, што ги турка цените надолу“.
Иако цените неодамна пораснаа поради високата инфлација, тие сè уште се релативно ниски“, вели експертот Филип Војтех од NIQ, додавајќи дека „германските потрошувачи посветуваат поголемо внимание на цените и се повеќе користат попусти“.
Според податоците на NIQ, Германија забележала најголем раст на купувањето со попуст во Западна Европа, со пораст од 14 отсто.
Ако се спореди вкупната сума на пари што луѓето ја трошат во продавниците, Германија е исто така на последно место.
Во текот на минатата година секое четврто евро завршувало во германските супермаркети, додека во цела ЕУ секое трето, а во источноевропските земји како Унгарија и Бугарија речиси секое второ евро, пренесува dpa.
Поради поголемата куповна моќ на домаќинствата во Германија, тие трошат помал дел од својот приход на храна, облека и други стоки, рече Војтек.
Од друга страна, трошоците за домување и енергија во Германија се зголемуваат.
Дополнително, сè повеќе пари се трошат за услуги и рекреативни активности, а повеќе се издвојуваат за заштеди и финансиски инвестиции.