Доаѓаат лоши вести за сите оние кои се надеваа дека Apple наскоро ќе лансира MacBook или iPad со дисплеј на преклопување.
Според аналитичарот Минг-Чи Куо, лансирањето на тој уред е одложено од првата половина на 2026 година до крајот на 2027 година или дури 2028 година. Ова одложување го наметнува прашањето дали таков уред некогаш ќе ја види светлината на денот.
Foldable MacBook survey update – mass production delayed significantly
1. Final display size spec confirmed at 18.8 inches. Apple has canceled the 20.25-inch design.
2. Due to technical challenges with the display and mechanical, the assembly mass production schedule has been… https://t.co/mPviHVeK0x— 郭明錤 (Ming-Chi Kuo) (@mingchikuo) August 22, 2024
Според Куо – тоа ќе се случи. Во својата објава на X, тој тврди дека Apple сè уште работи на таков уред, но дека не треба да се очекува толку брзо.
Apple наводно го напуштил планираниот екран од 20,25 инчи и се одлучил за малку помал екран од 18,8 инчи. Доцнењето, според Куо, било предизвикано од „технички предизвици поврзани со дисплејот и механичките делови“.
Во последните години имаше многу гласини за развој на преклоплив iPad или MacBook, а можно е да се работи за истиот уред. Во февруари, The Information објави дека Apple работи на неколку преклопливи уреди, вклучувајќи ги и преклопливите iPad и iPhone.