Европол: Уапсени 28 осомничени во две полициски акции, запленети 50 килограми кокаин

Во две одделни полициски операции спроведени од шпанската и колумбиската полиција, поддржани од Европол, уапсени се 28 осомничени, демонтирана е лабораторија за преработка на кокаин и запленети се речиси 50 килограми обработен кокаин.

„Организацијата, која се состоеше главно од осомничени од Колумбија и Шпанија, беше предводена од поранешен член на сега распуштената колумбиска паравоена група „Bloque Central Bolivar““, се вели во соопштението на Европол.

За два дена во јуни, полицијата уапси 26 осомничени и демонтира лабораторија за преработка на кокаин, а полицијата приведе уште двајца осомничени во Колумбија.