Каменувана куќата на кикбоксерот Бобан Илиоски, повредени три лица

Вчеравечер била каменувана куќата на кикбоксерот, Бобан Илиоски. Инцидентот се случил, откако Илиоски физички се пресметал со едно лице кое претходно нападнало член од неговото семјество.

– Околу 22.20 часот кога Илиоски со уште едно лице физички го нападнале 28-годишниот Е.Л. од Скопје. Лицето Е.Л. со поголема група на луѓе отишле пред домот на Б.И. и фрлале тврди предмети кон него и неговото семејство. Со повреди се здобиле В.И., Д.Н. и Е.Л., констатирани во Комплексот клиники „Мајка Тереза” и Градската општа болница „Св. Наум Охридски”, информираат од МВР.

Бил извршен увид и се преземаат мерки за расчистување на случајот.