Шпанскиот фудбалер кој игра за Валенсија, Рафа Мир, е уапсен под сомнение дека сексуално нападнал две девојки во својот дом.
Инцидентот се случил во неделата вечерта, како што пренесува шпански „Кадена СЕР“.
Жртвите кои се на возраст од околу 25 години, случајот веднаш го пријавиле во полиција.
Мир моментално е во притвор. Се верува дека случајот би можел сериозно да ја загрози неговата кариера.
Rafa Mir y su amigo salen de la Comandancia de la Guardia Civil
🗣️El jugador declara en los juzgados de Llíria pic.twitter.com/VHBb2Qcazw
— nostresport.com (@Nostresport) September 4, 2024
По тој повод, се огласија и од неговиот клуб Валенсија.
„Во врска со медиумските извештаи кои се појавија во врска со апсењето на фудбалерот на Валенсија, Рафа Мир, ве известуваме дека клубот е запознаен со споменатото апсење. Во отсуство на детали, клубот засега може само да потврди дека ќе соработува во се што може да побара правдата“, изјавиле од Валенсија.
Рафа Мир во пресрет на оваа сезона пристигна во Валенсија на позајмица од Севиља.