На синоќешниот настан на Bellator Champions Series 4 во Сан Диего, двајцата руски борци, Усман Нурмагомедов (18-0) и Александар Шаблиј (24-4), се соочија во борбата за шампионската титула во лесна категорија. На крајот, Нурмагомедов победи со одлука на судиите откако доминираше над својот противник и со тоа ја забележа 19-та победа во исто толку борби.
Дваесет и шестгодишниот Усман е братучед на еден од најголемите ММА борци досега и поранешен шампион на УФЦ, Хабиб Нурмагомедов, кој исто така беше во неговиот агол за време на синоќешната борба. По победата на Усман, Хабиб даде изјава во октагонот каде истакна колку е горд на другите ученици на неговиот татко Абдулманап.
„Мислам дека Усман е еден од најдобрите борци во лесна категорија во светот во моментов. Порано бев најдобар, сега е нашиот брат Ислам (Махачев), а Усман е следен. Ова е династија“, рече Хабиб по уште еден голем победи на борците од дагестанската школа за борење и други боречки вештини.