Околу 140 патници и членови на екипажот останаа заробени на брод за крстарење во Австрија поради порастот на нивото на Дунав и поплавите кои ја погодија Европа.
Поради обилните дождови и поплавите во Австрија, бродот не може да се закотви. Тоа значи дека екипажот и патниците ќе мора да останат таму најмалку до вторник.
Според медиумите, се работи за брод со швајцарски туристи кој испловил за Будимпешта.
На социјалните мрежи се појавија слики од бродот долг 110 метри закотвен во Виена. Патниците не можат да го напуштат бродот бидејќи пристаништето е под вода.
Патувањето започна во петокот, иако метеоролозите предупредија на обилни врнежи.
„Во тоа време, дури и експертите чија експертиза се бараше не можеа да предвидат дека Дунав можеби нема да биде пловен во оваа област“, рече извршниот директор на Тургау Травел, Данијел Паули-Кауфман.
Schweizer Touristen stecken auf Donau-Kreuzfahrtschiff fest https://t.co/49cRuY9aoE
— Naomi Schröper -Couch🇺🇸🇨🇭 (@NaomiSchroper) September 15, 2024
Планираната дестинација Будимпешта моментално е далеку. И патниците не знаат кога ќе имаат цврсто тло под нивните нозе.
Според генералниот директор, локалните власти ќе одлучат кога луѓето ќе можат да се симнат.
Бидејќи денеска се очекуваат пообилни врнежи, патниците може да останат заробени на бродот уште неколку дена.