Почнувајќи од 2025 година, сите нови модели на Mercedes-Benz опремени со автономно возење на ниво 3 ќе добијат големо ажурирање. Имено, благодарение на новиот софтвер максималната брзина со која автомобилот ќе може сам да вози е зголемена на 95 km/h.
Треба да се напомене дека, од правна страна, новите модели на Mercedes-Benz ќе можат да возат само околу 13.000 километри на германските автопати со оваа брзина. Производителот од Штутгарт чека да добие нов сертификат за системот за автономно возење Drive Pilot од германските власти.
Од Mercedes-Benz наведуваат дека ажурирањето е бесплатно и затоа цените на новите модели нема да се менуваат. Системот Drive Pilot е достапен како опција и се продава по цена од 5.950 евра за класата S и EQS. Кога ќе се имплементира новото ажурирање, автомобилите на Mercedes-Benz ќе бидат „најбрзите“ автомобили во светот хомологирани со систем за автономно возење на ниво 3.
Со оваа подобрена верзија на Drive Pilot, Mercedes-Benz уште еднаш ја нагласува својата пионерска улога во автономното возење.
„Наскоро ќе биде можно да се овозможи автономно возење до 95 км/ч во тековниот сообраќај под одредени услови на германските автопати. Со помош на овој систем нашите клиенти можат поефикасно да го користат своето време. Mercedes-Benz повторно поставува стандарди во индустријата и континуирано отворајќи го патот за автономно возење“, изјави Маркус Шафер, член на Управниот одбор на групацијата Mercedes-Benz.