Да, дури и натпросечно интелигентните луѓе имаат недостатоци, а корисниците на Quora се обидоа да ги сумираат под наслов „Кога интелигенцијата станува проклетство“.
Од нивните одговори, Business Insider извлече седум негативни страни на високата интелигенција:
1. Често размислуваат повеќе отколку што чувствуваат
Маркус Гедулд на страницата Quora објасни дека знае многу добро да ги објасни своите чувства, но неговиот проблем е што не знае како да ги изрази.
„Ова е вообичаен проблем на интелигентните луѓе, особено на оние кои знаат вербално да се изразат. Оние кои се помалку способни да се изразат викаат, скокаат, плачат, се смеат… Јас тоа го објаснувам. И тогаш кога објаснувам, сите тие емоции се уште се во мене“, опиша тој.
2. Не знаат да ја ценат вредноста на напорната работа
Неколку корисници на Quora напишаа дека интелигентните луѓе треба да работат помалку напорно од другите. Мора да вложат помалку труд.
„Интелигенцијата станува проблем кога луѓето на порана возраст сфаќаат дека не мора да работат напорно како другите за да постигнат нешто. Така, тие никогаш не развиваат работна етика“, напиша еден корисник.
3. Луѓето очекуваат тие постојано да бидат на својот врв
Високиот степен на интелигенција често доаѓа со нереални очекувања од другите.
4. Знаат често да ги поправаат другите луѓе во секојдневниот разговор (а со тоа да ги нервираат)
„Кога многу ги коригирате луѓето, тие многу брзо престануваат да ве дружат“, се пожали друг корисник на Quora.
5. Премногу размислуваат и анализираат
Интелигентните луѓе претерано ги анализираат сите мали нешта во животот и премногу размислуваат за сè.
„Сфаќате дека сè е минливо и дека ништо навистина не значи ништо посебно. Постојано барате одговори и тоа ве излудува“, напиша еден корисник на Quora.
6. Луѓето често мислат дека се фалбаџии
Луѓето често мислат дека интелигентните луѓе го споделуваат своето знаење со другите за да се покажат.
„Фрустрирачки е да се слушне: „Тој навистина мисли дека е паметен“, кога само сакате да помогнете со некои информации“, се пожали друг корисник на Quora.
7. Сфаќаат колку не знаат
„Колку повеќе знаете, толку помалку чувствувате дека знаете“.