Американскиот рапер Пи Диди се соочува со уште едно обвинение за сексуален напад.
Во последната тужба, жена под псевдонимот Џејн До тврди дека Диди ја дрогирал во својот дом и неколку пати ја силувал, а таа потоа останала бремена.
Тужбата доаѓа само неколку дена откако Комбс беше уапсен во хотел во Њујорк. Раперот се соочува со бројни обвиненија за рекетирање, сексуално насилство и трговија со луѓе.
Споменатата жена тврди дека Диди го запознала во 2020 година, а злоупотребата и малтретирањето траеле до јули оваа година. Таа тврди дека била принудена да оди во домовите на Комбс во Њујорк, Лос Анџелес и Мајами и дека раперот ја присилувал да му „приредува шоу“ при секоја посета.
Како што рекла, во еден момент направила тест за бременост кој бил позитивен. Тоа му го кажала на Комбс, кој ја убедил да абортира. Набргу потоа, таа имала спонтан абортус. Во тужбата се наведува дека Комбс, заедно со неговите соработници, ја следеле нејзината локација и ги прислушувале нејзините разговори, пренесе Sky News.
Да потсетиме, Комбс се соочува со бројни обвинувања за силување, сексуален напад и принудно дрогирање. Тој се изјасни за невин за рекетирање и сексуална трговија, но останува во затвор до понатамошно известување, откако му беше одбиена кауција. Неговиот адвокат рече дека е невин и ќе се бори да го „исчисти“ неговото име.
Адвокатот на Комбс не одговори на наводите изнесени во последната тужба.