📽Руте: Земјите на НАТО треба да ги зголемат трошоците за одбрана, Украина е приоритет

Земјите на НАТО треба да ги зголемат трошоците за одбрана, а трансатлантските врски во алијансата мора да бидат „силни“, изјави денеска Марк Руте, новиот генерален секретар на НАТО.

За време на заедничката конференција со Јенс Столтенберг, кого го наследува како генерален секретар на НАТО, Руте додаде дека Украина останува приоритет на алијансата.

Тој додаде дека не е загрижен за исходот на изборите во САД, бидејќи, како што наведе, НАТО ќе соработува со кој било кандидат – американскиот потпретседател Камала Харис или поранешниот американски претседател Доналд Трамп, доколку победат.