Германскиот сојузен министер за правда Марко Бушман сака да ги забрза планираните измени во Законот за семејство, за издржување, родителство и детски права.
Конкретно, се планира да се зајакне позицијата на татковците и родителите лезбејки. Најавената реформа на законот за семејство има за цел да им ја олесни положбата на татковците кои не се во брак со своите мајки кога станува збор за одлуките за старателство.
Ова е предвидено во нацртот на сојузниот министер за правда Марк Бушман за измена на законот за грижа за децата, пренесува германската новинска агенција (dpa).
Според тоа, мажот треба автоматски да добие старателство како резултат на признавањето на татковството, освен ако едниот родител не се противи на заедничко старателство во рок од еден месец – без да наведе причини.
Зголемени права на децата на возраст од 14 и повеќе години
Предлог-законот предвидува и дете на разведени родители кое наполнило 14 години да може да бара ново решение за веќе донесеното решение за старателство.
Предлог-законот го нагласува правото на детето да добива информации за неговото родителство. Децата не треба само да имаат право да контактираат со своите родители, туку и да контактираат со своите браќа и сестри и баби и дедовци.
За да се забрза процесот, Министерството за правда ги покани претставниците на германската државна судска администрација на состанок на 25 октомври за да ја презентираат предложената реформа на законот за семејство.
Либерализација на законите
Предлогот на либерализираниот закон предвидува посвојување дете и за невенчани лица
Предлог-законот предвидува заедничко посвојување дете и од невенчани парови.
Исто така, според нацртот, посвојување од само еден возрасен треба да биде возможно и за оженети и за невенчани лица.
Во иднина, посвојувањето повеќе не треба да биде потребно доколку лезбејската двојка одлучи заедно да зачне дете преку донација на сперма.
Мајчинство за друга жена
Нацртот предвидува и „воведување мајчинство на втора жена покрај родената мајка, со што детето може да има две мајки по право на потекло“.
Дополнително, право на потекло ќе имаат и лицата со променет пол, без регистрација или со различен род.
Планираните промени ќе ги почитуваат новите модели на семејството, но некои принципи од порано нема да се менуваат. Тоа значи дека „детето во иднина ќе има само двајца законски родители“, како и дека „жената што ќе го роди детето секогаш и во иднина ќе биде мајка на детето и дека нејзиниот правен статус не е оспорен или може да се преговара“.