Американскиот магазин „Форбс“ објави листа на најскапо платените фудбалери во 2024 година, односно оние кои најмногу заработиле од договорите со клубовите и нивните маркетинг активности. Како и досега, на чело на листата е португалската легенда Кристијано Роналдо.
39-годишниот играч, кој игра за саудиски Ал-Наср, има приход од 220 милиони долари во 2024 година, а дополнителни 65 милиони заработил надвор од теренот. Така Роналдо е лидер на листата со вртоглави 285 милиони долари годишна заработка.
Втор на листата е неговиот долгогодишен ривал и според многумина најдобар фудбалер на сите времиња Лео Меси. Две години помладиот Аргентинец заработува половина помалку. Според договорот со Интер Мајами во американската МЛС добива 60 милиони, а другите активности му носат 75 милиони. Така тој заработува вкупно 135 милиони долари годишно.
Трет на листата е Бразилецот Нејмар иако во 2024 година воопшто не играше фудбал поради тешка повреда. Тој е играч на саудиски Ал-Хилал со кој има договор за 80 милиони долари годишно, а другите примања му се 30 милиони долари.
Десетте најплатени играчи во светот според Форбс:
1. Кристијано Роналдо (Ал-Наср) – 285 милиони долари
2. Лионел Меси (Интер Мајами) – 135 милиони долари
3. Нејмар (Ал-Хилал) – 110 милиони долари
4. Карим Бензема (Ал-Итихад) – 104 милиони долари
5. Килијан Мбапе (Реал Мадрид) – 90 милиони долари
6. Ерлинг Халанд (Манчестер Сити) – 60 милиони долари
7. Винисиус Јуниор (Реал Мадрид) – 55 милиони долари
8. Мохамед Салах (Ливерпул) – 53 милиони долари
9. Садио Мане (Ал-Наср) – 52 милиони долари
10. Кевин Де Бруин (Манчестер Сити) – 39 милиони долари