Лијам Нисон се повеќе размислува да се повлече од акционите филмови. Во едно неодамнешно интервју, познатиот актер зборуваше за своите години и откри дека мисли дека поради тоа е подобро да не се согласува на физички напорни улоги.
Како што пренесува Deadline, актерот од серијалот 96 Hours, како и бројни други акциони филмови, сè уште сам ги изведува своите борбени сцени, додека каскадерот Марк Ванселоу, долгогодишниот соработник на актерот, ги презема потешките акробатски сцени што Нисон не може ги прави.
„Имам 72 години, тоа мора да престане во одреден момент“, изјави тој за People, мислејќи на неговите улоги во акционите филмови. „Не можете да ја измамите публиката. Не сакам Марк да мора да ги прави сцените со борба за мене“, додаде Нисон за People.
Иако сè уште не одредил точен датум кога има намера да престане да глуми во акциони филмови, тој навести дека тоа би можело да биде некаде во текот на 2025 година.
„Можеби кон крајот на следната година. Мислам дека тоа е тоа“, кратко прокоментира Нисон.
Следниот филм на Нисон, Absolution, ќе се појави во кината во ноември. Приказната следи постар гангстер кој се обидува повторно да воспостави врска со своите деца и да ги исправи грешките од минатото. Режисер на филмот е Ханс Пет Моланд, а сценариото го напиша Тони Гејтон.