Консултантската компанија McKinsey објави податоци за профитабилноста на банките во еврозоната, кои покажаа дека банките во Австрија се јасни лидери на пазарот кога станува збор за заработените пари.
Како што пренесуваат австриските медиуми, повикувајќи се на извештајот на таа консултантска куќа, банките во Австрија во изминатите две години оствариле рекордна добивка од 14,1 милијарди евра.
„Ова не само што одговара на зголемување од 38 отсто во споредба со 2023 година, туку и домашните кредитни институции обезбедија водечка позиција во однос на нивната моќ на заработка во споредба со банките во другите земји“, пишува Der Standard.
Според тоа, повратот на капиталот во Австрија е 7,2 отсто, што е двојно поголемо од просекот во еврозоната.
Главниот економист на синдикалниот институт „Моментум“, Оливер Пичек, го истакна многу високиот удел на варијабилните заеми за населението во оваа земја, кој изнесува дури 47 проценти.
„Токму затоа што се променливи, кредитите растат побрзо од фиксните и им носат повеќе приходи на финансиските институции“, рече тој.
Дополнително, домашните австриски банки најмногу ги корегираа пасивните каматни стапки, што ја објаснува и високата заработка.
„Покрај тоа, банките би можеле да го депонираат вишокот капитал без ризик во Европската централна банка по атрактивни каматни стапки на депозитите. Од тоа произлегуваат неколку милијарди евра банкарски профит“, објасни тој.
Тој спомена и како банките во Австрија профитирале од инфлаторната криза.
„Австриските финансиски институции забележаа дополнителни 3,4 милијарди евра добивка во првиот квартал од 2024 година, што е за 100 милиони повеќе отколку во истиот период минатата година“, рече тој, пренесува Seebiz.eu.
На влијаеше намалувањето на трошоците, што пред се сè одразува во намалувањето на личните услуги за клиентите.
Според податоците на австриската народна банка, во 2010 година имало 843 кредитни институции со 4.176 филијали. Во Австрија во моментов има 472 банки со 3.195 филијали.