Пред зградата на Средното металуршко училиште во Сараево, утрово ученик од прва година застрела ученик во трета година од наведеното училиште.
Повреденото момче кое беше рането во ногата не е во животна опасност, насилникот е во притвор. Инцидентот се случил по серијата лажни извештаи за поставени бомби во училиштата, што резултирало со приведување на девет ученици. Експертите сметаат дека целиот систем пропаднал.
Stručnjaci stava da je zakazao čitav sistem https://t.co/Kd64zg74oV
— TV N1 Sarajevo (@N1_BiH) October 24, 2024
Како што пренесува Кликс, потврдено е дека напаѓачот сега е под контрола на полицијата додека не заврши претресот на неговата куќа. Преземен е и видео материјал со оглед на тоа што училиштето е обезбедено со видео надзор.
Неофицијално напаѓачот и повредениот ученик не оделе во исто училиште, но дека претходно имале конфликт.
— nista od saradnje (@rekapitulacija) October 24, 2024
За случајот се огласи и Министерството за образование на кантонот Сараево.
„Министерството ќе се погрижи стручните служби на училиштето да обезбедат психолошка поддршка на учениците и наставниците потребна за справување со стресни ситуации, преку ангажман на мобилниот експертски тим за интервенција во кризи и обезбедување советодавна поддршка на образовните институции во превенцијата на насилство/неприфатливи облици на однесување и заштита на учениците. Министерството во иднина ќе добива детални информации од училиштето со цел да се утврди дали се преземени сите неопходни мерки за спречување на неприфатливи облици на однесување и заштита на учениците. Дополнително, ќе се испита ефективноста на постоечките безбедносни протоколи и доколку е потребно, ќе се спроведат дополнителни мерки за подобрување на безбедноста. Прашањето за неприфатливи форми на однесување бара повеќесекторски пристап, вклучувајќи поддршка од сите механизми за упатување во заедницата, а и во овој случај ќе се постапува според најдобриот интерес на учениците. Министерството апелира до медиумите да го заштитат идентитетот на малолетните ученици учесници. Родителите, исто така, се повикуваат да разговараат со своите деца за важноста на безбедноста и ненасилното решавање на конфликти и да бараат помош и поддршка од професионалците во училиштето во решавањето на предизвиците со кои се соочуваат во родителството“, објавија во соопштението оттаму.