Пресметката меѓу Кристијано Роналдо и Ерик тен Хаг за време на нивниот престој заедно во Манчестер Јунајтед, што доведе до заминување на Роналдо, откри голем број несогласувања и тензии во клубот.
Уште од почетокот на ангажманот во Јунајтед, Тен Хаг јасно стави до знаење дека присуството на Роналдо на теренот нема да биде пресудно, пред се поради неговата возраст и, според мислењето на тренерот, недостатокот на придонес во одбранбените задачи.
Холандскиот стручњак веруваше дека присуството на Роналдо ја отежнува тактиката на „црвените ѓаволи“ и го смести на клупата за резерви, што предизвика незадоволство кај португалскиот ас.
Најголемиот конфликт се случи за време на натпреварот на домашен терен против Тотенхем кога Роналдо одби да влезе како резерва, што дополнително ја зголеми тензијата.
Според инсајдерот на ESPN, Роб Досон, повеќето играчи на Јунајтед не ја поддржале реакцијата на Роналдо, но исто така сметале дека Тен Хаг отишол предалеку со дисциплинските мерки.
Ситуацијата кулминираше кога на Роналдо му беше забранет пристапот до соблекувалната, а тој беше принуден да побара од млад играч од академијата да му ја донесе опремата.
Овој потег на Тен Хаг многумина играчи го оценија како понижувачки за Роналдо, еден од најдобрите фудбалери во историјата.
По инцидентот, Роналдо реши јавно да проговори во интервју за Пирс Морган, што беше увертира за неговото заминување од Јунајтед и преселба во Саудиска Ал Наср.